ذهبت لبيروت فى رحلة عمل لأحضر مؤتمر ArabNet والذي يعقد كلّ فترة لكي يناقش أهم ما يحصل في عالم الانترنت العربي. وبصراحة قابلت ناس رائعين مبدعين.
الرحلة كانت على الطيران الملكية الأردنية من عمان لبيروت مبدأيا الرحلة أخذت ساعة ونصف بدل 45 دقيقة لأننا ما طرنا من فوق سوريا بل من فوق مصر، الله يهدي بالهم ويحميهم إخواننا السوريين. آه صح، كانت أول مرّة بستعمل مطار الملكة عليا الجديد بعمّان وبصراحة مش بزيادة الوضع! لسّة محتاج شوية شغل. ما علينا، طلعت الطيارة على ال6 صباحا وصلنا عال8 تقريبا.. في صديقة كانت معي استأجرت سيارة من المطار وكان مش بطّال أبدا السعر. بالمقارنة مع الدولارات اللي راحت عالتكاسي.

المهم يا جماعة.. كان محجوزلي بفندق روتانا الحازمية بمنطقة سن الفيل، حطّيت أغراضي فيه وقلت بدي أفطر منقوشة لبنانية دافية ومقرمشة عالصبح.. وكانت هذه السيدة اللطيفة بآخر الشارع وطعمتني بدون مبالغة منقوشة كتير زاكية.

انعجقت شوي لأنو البنك الأهلي بلبنان ما أخد الفيزا الأردنية بس الحمدالله بنك لبنان والمهجر زبطلي أموري تمشيت بالشوارع ولقيت هالتماثيل الخشبية عباب محل خشب لقيتهم حلوين

رجعت الأوتيل ارتحت وقدمو هاللفتة اللطيفة من الفاكهة

الإطلالة من الشبّاك على الطابق السابع

هلأ المؤتمر كان بفندق الحبتور هيلتون بصراحة الأكل كان فاخر واستفدنا كتير من المحاضرات والجلسات وورشات العمل الحمد لالله.

إلى المدخل.