الذهاب على الخطوط الاماراتيه
الفندق : luxe manor لا انصح السكن به ابدا رغم انه 5 نجوم ولكن حرام فيه النجمتين

اول ماوصلنا المطار كان كبير وايد وسألنا عن مكان التكسي تقريبا تمشي له 5 دقايق ولين توصل راح تلقى 3 الوان من التكسي … طبعا اللون الاحمر اهوا الي يوديك للمدينه

لازم يكون عندك عنوان الفندق بلغتهم لانه اغلبهم مايعرفون انجليزي وراح يقعد يلف بالتكسي ويحسب العداد عليك نفس ماصار معاي .. ولاحضت انه التكاسي عندهم نفسهم خايسه ونصابين مثال .. مكتوب 5 دولار اضافي على كل جنطه انا معاي جنطتين حسبهم 40 وليس 10

مرتين فقط ركبت التكسي عندهم وكنت ملزوم .. عدا ذلك كل التنقل كان بالقطار الجمييييييييييييل الجميييييييييل الممتع النظيف من ارقى شبكات القطار الي شفتها بحياتي اجمل من لندن وفرنسا وكثير من الدول الي زرتها وسهل لابعد الحدود وكل 100 متر موظفين يساعدونك بأي استفسار وطبعا راح اشرحلكم شلون تشتري التذاكر

ترووح عند مكينة التذاكر الي يم القطار وتضغط على الوجهه الي تبيها ويطلعلك السعر وتختار جم تذكره تبي وتدفع سواء حديد او ورق ويردلك الباجي وتتوكل على ربك وتركب القطار

اغلب محطات القطار يكون فوقها مجمع تسوق مثل ifc و elements وهم اكبر واجمل مجمعين شفتهم في هونج كونق

اليوم الاول تريقنا بالفندق الفاشل وذهبنا الى محطة القطار وشرينا التذاكر عشان نروح the peak القمه وهي من اعالي قمم هونج كونق وتشوف فيها مباني هونج كونق الجميله من فوق ويوجد ايضا فيها متحف الشمع ومولين للتسوق صغار نسبيا ومطاعم كثيره متوفره

الصعود بالترام واذكر كان غالي شوي وبعدها الدخول لمتحف الشمع وهو جميل جدا وانصح الجميل للدخول حقه حيث يمكنك التصوير مع الشخصيات ولمسهم عادي والمكان يستحق4 الى 5 ساعات تقريبا يعني نص يوم

اليوم الثاني توجهنا الى معشوقتي ديزني لاند اخذنا القطار والقطار كل شي فيه على ميكي ماوس حتى المسكات والارضيات وفيه تماثيل والنوافذ كل شي ميكي جداا جميل

وصلنا وقصينا التذاكر وكانت 390 دولار مادري ليش غاليه جذي المهم وقضينا اليوم كله هناااك بكل وناسه الحمدلله لحد الاطلاق الناريه وكانت جدا جدا جميله لحد يرجع الا واهو شايف الاطلاق الناريه الساعه 8 ليلا وفي مطاعم جيده لكن غاليه وتسوقنا ايضا

ملاحضه بعد الاطلاق الناريه يبقى ساعه ويسكر القطار .. خف رجولك شوي للرجوع
ملاحضه لا تروح ديزني لاند ايام العطل لانه زحمه

اليوم الثاني توجهنا الى معشوقتي ديزني لاند اخذنا القطار والقطار كل شي فيه على ميكي ماوس حتى المسكات والارضيات وفيه تماثيل والنوافذ كل شي ميكي جداا جميل

وصلنا وقصينا التذاكر وكانت 390 دولار مادري ليش غاليه جذي المهم وقضينا اليوم كله هناااك بكل وناسه الحمدلله لحد الاطلاق الناريه وكانت جدا جدا جميله لحد يرجع الا واهو شايف الاطلاق الناريه الساعه 8 ليلا وفي مطاعم جيده لكن غاليه وتسوقنا ايضا

ملاحضه بعد الاطلاق الناريه يبقى ساعه ويسكر القطار .. خف رجولك شوي للرجوع
ملاحضه لا تروح ديزني لاند ايام العطل لانه زحمه