خلصت من الشنغن النمساوية وكان موعدنا الساعة 9:20 صباحاً انا وزوجتي طبعا اول ماوصلنا للمكتب الموحد ب ام الحمام الساعة 8:17 وباقي حراس الامن مافتحوا البوابات وخلونا نصف ورا بعض للرجال والحريم لهم مدخل ثاني يصعدون فوق للطابق الاول على طول بعد التفتيش وينتظرن الرجال لحد مايطلعون فوق وبعدها فتشونا وتاكدوا من ورقة الموعد مع كل شخص ودخلونا الساعة 9 الا ربع اول ماتطلع من السلم يجي على يمينك مكتب الاستقبال رح لهم اول شي ضروري واخذ رقم لان لو تروح لمكتب النمسا يرجعونك على شان الرقم طبعا انت واهلك برقم واحد مو لازم كل واحد رقم بعد ماتاخذ الرقم تروح للمكتب وتظهر الارقام على الشاشة واذا ظهر رقمك تروح للمكتب والحين نروح للاوراق اللي طلبوهن مني وزوجتي:
1- نموذج الابلكيشن لي ولزوجتي
2- صورتين شخصية4.5 ب 3.5 طبعا صورت بالديرة لكن طلعت ماهي مضبوطة وقالوا لي رح صور بالمكتب اللي تحتنا
3-حجز الطيران لي ولزوجتي
4- حجوزات السكن باللغة الالمانية لي ولزوجتي (اذا جبت نسخة عربية يرجعونك اهم شي المانية واذا مافيه انجليزي يمشي)
5- التامين الطبي لي ولزوجتي
6- اقرار التامين الطبي لي ولزوجتي (اذا ماجبته معك يعطونك بالمكتب وتعبيه يدوي)
6- تعهد التكفل بالمصاريف لي (يقدمون اوراق المتكفل بالمصاريف ويخلصونه اول طبعا التعهد اني اتكفل بمصاريف زوجتي)
7- الجواز الاصلي مع التوقيع بالصفحة الرابعة (طبعا التوقيع لازم يكون مطابق للتوقيع اللي بالابلكيشن)
8- صورة للصفحات الاربع الاولى من الجواز لي ولزوجتي
9-صورة لبطاقة الاحوال لي فقط
10- صورة لسجل الاسرة لزوجتي فقط
11- كشف حساب لاخر 6 شهور مصدق من البنك ويختم على الصفحة الاولى والاخيرة طبعا لازم انجليزي
اوراق لم يتم طلبها: تعريف بالراتب من العمل و ترجمته
صورة البطاقة الائتمانية و اثبات وسيلة التنقل بالنمسا
ملاحظة: انا رحلتي من الكويت وقالوا لي اكتب اقرار يدوي بالانجليزي عن طريقة ذهابك من السعودية للكويت وكتبت اني راح اروح للكويت بسيارتي الشخصية وكتبت اسمي مثل ماهو بالجواز ووقعت مثل توقيعي بالجواز والابلكيشن

منقول بتصرف