اليوم بشرح لكم آلية التقديم على السفارةالامريكية للحصول على فيزا سياحية للعائلة من النماذج الى الطلبات الى طريقة الدفع الى المواعيد يعني من طقطق الى سلام عليكم .

هذاالموضوع اتعبني كثير ولا لقيت موضوع بالنت يفصله بشكل واضح وبالرغم من ان السفارةالامريكية وفرت موقع يحتوي على معلومات ضخمة لمساعدة المتقدم الا ان العملية غيرواضحة وفيها تعقيدات كثيرة وتفاصيل استدعتني للتواصل مع السفارة مرات عديدة والى البحث بالنت كثيرا حتى توصلت لها فخلونا نبدأ .

علشان تحصل على فيزا الولايات المتحدة الامريكية السياحية يجب ان تقوم بعمل الخطوات التالية :

1. تعبئة نموذج D160 لكل فرد من افراد العائلة
2. عمل ملف شخصي profile لك في موقعهم
3. تسديد رسوم الفيزا
4. حجز موعد.
5. الذهاب للمقابلة
6. استلام الجوازات

هذي هي الخطوات اللي لازم تسويها وفي كل خطوة فيه طلبات لازم تكون محضرها فخلونا نأخذ اول خطوة ونشرحها بالتفصيل .

هنا ما راح اشرح كل خانة من خانات الادخال لانها واضحة لكن الخانات او الامور اللي حسيتانها صعبة او مافهمتها على طول هي اللي ركزت عليها واذا احد منكم وقف عند خطوة اوخانة يسعدني اني اساعده اذا كنت اقدر.

ندخل على الرابط التالي : https://ceac.state.gov/GenNIV/Default.aspx

وهذي الصفحة مهمة جدا جدا
فيهارقم الطلب اللي موجود فوق ويبدأ دايم ب AA
وهذاالرقم مهم جدا لانه بيطلب منك في كل مرة ترجع تكمل النموذج وبيطلب منك اذا جيت تعمل الملف الشخصي وتحدد موعد فانتبه له والافضل تطبعه.
وكمان في الاسفل راح تلقى سؤال امني وتجاوب عليه وهــذا ايضا مهم فاذا رجعت تكمل النموذج في وقت اخر راح يطلب منك 4 حاجات وهي :
1- رقم النموذج اللي يبدأ ب AA زي ماشفنا تو
2- السؤال الامني وجوابه حسب ماجاوبته اول مره وانت تعبي النموذج
3- اول 5 احرف من اسم العائلة حسب ادخالك اول مرة
4- تاريخ ميلادك
الحين،بعد ماتجاوب السؤال وتطبع الرقم اضغط continue لاكمال رحلة الطلب.

بيطلع لك الان النموذج وكل صفحة في النموذج مقسمة الى ثلاثة اعمدة من اليسار الى اليمين :

1- هذا العمود يعلمنا حنا في اي مرحلة من مراحلالنموذج ،منه نقدر نتنقل بين مراحل النموذج

2- خانات الادخال

3- المساعدة وفيها شرح امام كل خانة

واذادققتو النظر في اعلى الصورة على اليمين راح تلقون اني مختار اللغة العربية ومع كذاالنموذج انجليزي لكن اي نص انجليزي او خانة تحتاج تدخلها .بمجرد تحط الماوس عليهاراح يظهر لك شرح عربي وافي عنها وهذا راح يسهل علينافهم النموذج

في اسفل النموذج وفي كل صفحة راح تلقى هالخيارات

Back– save – next

كل مرة نضغط فيها next يحفظ النموذج وينقلنا الى صفحة جديدة من صفحات النموذج لكن الحفظ يكون على موقعهم واذا حبيت انك تحفظ النموذج على جهازك اضغط save.

وبتجيك صفحة اختر منها save application to file وراح ينزل لك النموذج على جهازك.

هذي الصفحة مهمة وهي اللي تحدد فيها نوع الفيزا وفي حالتنابتكون فيزا سياحية :

في الخانة الاولى نختار اللي ظاهر في الصورة بعدها راح تظهر قائمة ثانية اللي هي اسمها Specify ومنها نختار خيار Tourism/Medical Treatment (B2) يعني فيزا السياحة هي B2 .

عدما نخلص تعبئة كل مراحل النموذج راح يحولنا على صفحة تحميل الصورة وهنا يجب ان تكون لدينا الصورة محملة على فلاش او الكمبيوتر ونضغط على UploadYour Photo

نحمل الصورة وراح يشيك النظام على مواصفات الصورة ويعلمنا اذا هي مقبولة او لا اذاقبلها كمل الى آخر خطوة وهي التوقيع على بياناتك وهنا المقصود بالتوقيع انه راح يطلع لك صفحة فيها سؤال هل قام احد بمساعدتك في ادخال النموذج ؟

اذاكنت انت مدخل النموذج جاوب بكلمة لا واذا كان احد ثاني راح يطلب منك ادخال معلومات عنه.

طبعااذا كان النموذج هو النموذج الخاص فيني راح اقول لا واذا جيت اعبي نموذج زوجتي او احد ابنائي راح اقول نعم وادخل بياناتي لاني انا اللي ساعدتهم في ادخال بياناتهم .

بعدكذا بيقول لك ادخل رقم جوازك ويطلع لك الحروف والارقام اللي تغث ويقول لك اكتبهابعدها اضغط موافق

انتهيت الآن من تعبية اول نموذج وراح يطلع لك تاكيد مثل الصفحة التالية :

وفيه 3 خيارات : 

طباعة التأكيد – ارسال التأكيد على بريدك – طباعة النموذج كاملوهذي انا اشوفها ضرورية علشان تساعدك في تعبية النماذج الثانية لباقي الاسرة .

ملاحظة : هنا فيه لفة اذا كنت تعبي النموذج بدون عائلة انتقل الى المراحل الاخرى اما اذا كنت مثلي تراك مطول Jاللفة اللي قلت لكم عليها انه لازم تضغط على طباعةالنموذج بشكل كامل Print Application .

وتطبعه طبعا انا ماطبعته على ورق طبعته على ملف PDF لانه بهالطريقة راح يحولك على الصفحة اللي راح تكمل معها طلبات العائلة بحيث تكون طلباتكم مترابطة والا راح تبدأ كل طلب بشكل منفصل .

طبعا الصفحة اللي راح يحولك عليها اذا اخترت الطباعة هي هذي .

ومن هذا الرابط تبدأ طلب الزوجة وبعدها الابناء لحد ما تخلص كل الطلبات.

ملخص الحكي الاشياء المهمة بعد تعبية النموذج هي :

· رقم التأكيد اللي هو نفسه رقم النموذج واللي يبدأ ب AA زي ماقلنا وهذا رقم مختلف لكل فرد من العائلة

· نسخة مطبوعة من تأكيد النموذج لكل فرد

بعد تعبئة النماذج صار عندنا الحين ارقام النماذج ( ارقام التأكيد ) وايصالات التأكيد مطبوعة والنماذج كاملة لكل فرد مطبوعه وانا افضل ان نطبع النماذج الكاملة على PDF لانها ماهي مطلوب انك تحظرها للسفارة المطلوب فقط ايصال التأكيد. وكمان راح تحتاجها لعمل قص ولصق للمعلومات في الخطوات التالية يعني لو كانت pdf بيسهل عليك الشغل.

https://cgifederal.secure.force.com/?language=Arabic&country=Saudi%20Arabica

نضغط على اسم المستخدم علشان نسوي بروفايل جديد وراح يحولنا على الصفحة التالية :

الآن راح نعرف كيف نحدث معلوماتنا في الملف الشخصي User Profile اللي تكلمنا عنه في الخطوة السابقة

ادخل على الرابط :
https://cgifederal.secure.force.com/?language=Arabic&country=Saudi%20Arabica

وسجل دخولك على ملفك الشخصي اللي سويته حسب الخطوة السابقة
بعدالدخول راح تظهر لك صفحة فيها قائمة بالروابط على اليسار اختر منها
تحديث الملف التعريفي :

لاحظ ان في خانة بيانات الجواز جاب لك رقم الجواز ولا تقدر تغيره لانك ادخلته يوم جيت تسوي ملف تعريفي في البداية!!

وكمان طلب منك رقم تاكيد الاستمارةD160
وهوالرقم اللي قلت لك احتفظ فيه ويبدأ بـ AA0

عموما كمل تعبية بياناتك واضغط حفظ وبكذا تكون بياناتك مكتملة بافتراض انك انت رب الاسرة .

منقول بتصرف