كانت رحلة عائلية الى الاقصر واسوان فى 7 ايام و لم تكن تابعه لشركة سياحية او برنامج محدد سلفا فهى رحلة حرة و كانت بسيارة دايو لانوس
حيث بدأت الرحلة من يوم الجمعه الساعة 10 صباحاً
فقد أخذت الطريق الاقليمي ثم على طريق الكريمات التابع للصعيد او ما يعرف بطريق الجيش
ووصلت بنى سويف وأخدنا رست لمدة ساعة و ثم العودة مرة ثانية لطريق الجيش بالسرعة القصوى الرسمية 120 كم حتى وصلنا الى اسيوط و أخذنا رست لمدة ساعة
كما وجدنا بعض الكافتريات على اليمين واليسار  من بعد كارتة اسيوط لسوهاج
كما تساعد اليفط الارشادية على مواصلة الطريق دون المساعدة

وصلت الاقصر الساعة 10 ليلا اى اخذ الطريق حوالى 12 ساعة
و كانت المسافة الفعلية المقطوعة 912 كيلو متر من باب البيت لباب الفندق

عند وصول الاقصر قمنا بالبحث عن فندق او شقة للاقامة بها
وبعد بحث ومشاهدة اكتر من فندق توصلت الى ان الفنادق فى الاقصر متقسمة لاربع مستويات:

1 – المستوى الشعبى وكان سعر الغرفة 2 سرير بيترواح من 35 الى 70ج و تكون عبارة عن غرفة بها 2 سرير + 2كرسى + دولاب + مروحة سقف

2 – المستوى المتوسط و سعرها بيتراوح ما بين 90 الى 150ج وفيها كل اساسيات الخدمة الفندقية تكون غرفة 2 سرير + 2 كرسى + دولاب +تكييف+ مينى بار + 2كومودينو + ترابيزة + تليفون الروم سيرفيس + تليفزيون بدش مركزى او بوصلة دش متعددة القنوات

3 – المستوى فوق المتوسط ودى اسعارها بتتراوح من 180 الى 300ج وبتقدم الخدمة الفندقية على اكمل وجة وبتكون هاف بورد او فول بورد ودى اللى بتتصنف كفنادق 3 او4 نجوم

4 – المستوى الرابع ودى بتبقى الفنادق العالمية

بالنسبة للاقصر الاماكن التى تستحق الزيارة هي:

1 – معبد الاقصر موجود فى وسط البلد فى البر الشرقى فى ميدان ابو الحجاج ويعمل من 7 صباحا الى 8 او 9 مساء وسعر تذكرة الدخول 3 ج 

2 – معبد الكرنك موجود على بعد حوالى 3 كيلو من معبد الاقصر ويعمل فترتين الاولى من 8 صباحا الى 4 عصرا والتانية اللى هيا عروض الصوت والضوء من 7 الى 10 مساء وعرض اللغة العربية 
بيكون يوم الخميس تذكرة الصوت والضوء للمصريين ب 20ج والتكرة العادية بتاعة بالنهار 4ج

3 – متحف التحنيط ودى على بعد 500 متر من معبد الاقصر (ميدان ابو الحجاج) على كورنيش النيل ويعمل من 9 صباحا الى 1 ظهرا وسعر التذكرة 4ج

4 – متحف الاقصر ودة على بعد حوالى كيلو من معبد الاقصر (ميدان ابو الحجاج) على كورنيش النيل ويعمل من 9 صباحا الى 1 ظهرا وسعر التذكرة 10ج

يعتبر المعبد موجود فى وسط البلد يعنى مش محتاج مواصلات و تذكرة دخولة على ما اذكر كانت 3ج و مواعيدة من 8 صباحا الى 9 مساء

ثم دخلنا الى فناء رمسيس التانى

مسجد ابو الحجاج

ثم دخلنا على بهو الاعمدة وهو عبارة عن بهو مستطيل يوجد به صفان من الأعمدة و بكل صف سبعة أعمدة ضخمة يبلغ ارتفاع العمود الواحد 18 متراً اى ما يعادل 5 طوابق ارتفاع

و بعد ذلك ندخل فناء امنحوتب التالت و هو عبارة عن فناء ضخم تحيط به الاعمدة من 3 جهات و عددهم 64 عمود
ثم  دخلنا على منطقة قدس الاقداس

ثم قمنا بالانتقال الى البر الغربي و ذلك بالعابرات النهرية التى تتوافر فى النيل بين البر الشرقى و البر الغربي او الطريق له من وسط المدينةاذا توافر معاك عربية تسلك طريق كوبرى الاقصر اللى على النيل وفى نهايتة سوف تجد اتجاة اجبارى يمين ويسار هتاخد اليمين و تأخد الطريق لمسافة حوالى 8 او 10 كيلو

سعر التذكرة ب2 ج للدير نفسة وتقطع تذكرة ب2ج للطفطف اللى هياخدك للمعبد

المعبد نفسه سمى بالدير البحرى لان كان فيه جزء من المتهدم فية اقام علية المسيحيون ديرا اسمة دير فويب أمون وظل يستخدم كدير للعبادة فترة طويلة حتى جاء بعض علماء الاثار فى بداية القرن المنصرم وازالو الدير فى بحثهم المحموم عن الاثار الفرعونية ومن ساعتها ومعبد حتشبسوت شهرتة الدير البحرى
على جدران الدور التانى من المعبد سوف ترى رسومات توضح انجازات الملكة حتشبسوت وسفرياتها الخارجية واضحة
ثم وصلنا فى نهايته فى الطابق الثالث لقدس الاقداس او الغرفة المحرمة والتى كان فيها عبادة الالة امون ولما توصل لها سو ترى الجبل واقف فوق بشكل عمودى تماما
انتهينا من معبد حتشبسوت او الدير البحرى و ذهبنا  على وادى الملكات  وهو قريب من حتشبسوت المسافة بينهم تقريبا كيلو او اتنين
العدد الرسمى للمقابر فى الوادى 44 لكن  المفتوح للجمهور و شغال 3 مقابر و سعر التذكرة 2ج وبتكفيك للـــ3 مقابر
و كانت الميزة الوحيدة ان مقابر وادى الملكات بكامل الوانها وزاهية لكنها غير عميقة كبعض مقابر وادى الملوك

و بكدا نكون انتهينا من رحلة الاقصر  و نتجه الى اسوان

منقول بتصرف

[contact-form][contact-field label=”الاسم” type=”name” required=”true” /][contact-field label=”البريد الإلكتروني” type=”email” required=”true” /][contact-field label=”الموقع” type=”url” /][contact-field label=”رسالة” type=”textarea” /][/contact-form]