12 ليلة في ماليزيا (ج1) بينانغ
4 شباب عالخطوط السيرلنكية ( اقل من عادية صحيح رخيصة لكن لو لقيت شي كويس اكثر ب ميتين او ثلاث لاتتردد وخذه على طول ) والبلوة الاكبر بالترانزيت في كولمبو .. مطار غبي وسيئ جلسنا فيه 3 ساعات الله لايعيدها بسس كل شي سيئ و ينرفز
التكلفة 7500 للشخص شاملة التذاكر والسكن والاكل و كل شي .. ماعدا الهدايا والتسوق حسبتها تختلف من شخص لآخر
التذكرة للشخص 1950
مجموع اسعار الفنادق للشخص 2300
التسوق والهدايا اقل واحد صرف 2500و تحسف ماجاب اكثر لان فيه اشيا خيااال
الجو كان فالسعودية شتاء اما ماليزيا كعادة جوها الثابت الا اني لاحظت من روحتي السابقة ان في ماليزيا الصيف كان الجو الطف و اجمل وفيه امطار .. اما الشتاء مافي مطر ابدا .. بعكس كاميرون جوها فالشتاء كان ابرد واجمل وكله ضباب و رذاذ مطر
طبعا ما انصح الا ببدل شتوية عادية لجنتنغ و كاميرون.. مايحتاج بجامات ولا اي من هالمبالغة
الخطة
كوالا اول يوم للراحة
ثم الى لنكاوي يومين بالطائرة
ثم الى بينانغ 3 ايام بالباخرة الفيري
بالباص الى الكاميرون الساحرة العظيمة يومين
بالباص الى كوالا 4 ايام
احنا كشباب مانطول في ايمدينة لان بس بنروح اماكن محددة ومهمه وجميلة .. مانروح حدايق فراشات ولاتماسيح ولا قرود ولا معابد ولامتاحف ولا فواكه . الفواكه ممكن تروحها لو ودك تاكل
البداية
نبدا من المطار
يبدو انه الآن ماتحتاج تعبي الارواق والبيانات في المطار زي السابق وهذا ماحصل لي
لاوصلت مطاركوالا انزل اخر دور و اسأل عن الباصات ، لازحت بتلقى ثلاث شركات اسأل عن اللي يودونك لفندقك .. انا سألت عن اللي يودون شارع العرب او محطة بودورايا لانهم قرابمن الفندق ، التذكرة للشخص 18 رنقت يابلاش .. يوصلك الباص لمكان رئيسي قريب منمنطقتك او سكنك ثم ياخذك تاكسي يوديك لفندقك مجانا
كوالا يوم واحد
سكنا في رويال بنتانق .. ممتاز منناحية الموقع لان شارع العرب و محطة بودورايا والسوق الصيني يعتبرون قريبين جدا ..الخدمة والجودة والديكور والمستوى مقبول .. الفطور متوسط ، انصح به الشباب او ايشخص يبي فندق جيد ورخيص
ريحنا اول ماوصلنا وجلسنا عالنت ونزلنا صورة بالانستقرام و طمنا اهلنا واحبابنا .. يوم جا قريب المغرب خذنا تاكسي يودينا مدينة الاضواء (آي سيتي ) يودينا وينتظرنا و يرجعنا ب 150 ، لاحد يقبل بأكثر
المدينة جميلة بتصميمها و انوارها واذا دخلتها لاول وهله تظن انه مكان للاطفال لكن المكان كبير اشبه بالحي و متفرع ..فيه اشيا كثيرة للكبار منها 5
d
مشهد بتقنية 5
d
لمدة 10 دقايق ..مافيه اي شي مخل ومافيه اي انسان بالفلم .. وفيه رمي السهام و بيت الرعب وغيرهم
طبعا سعر التحويل في هالفترة 0.86تنقص يزيد اشوي الى 0.87 ، صرفو من الحلات اللي على شارع العرب ولا تصرفون من البنوك .. احسن محلين اللي يم مطعم الباشا و واحد بالزاوية اللي مقابل مطعم الباشاو جمبه محل مساج
يومين : لنكاوي
اليوم الثاني رحنا للمطار الدولي بالتاكسي نفسه اللي ودانا مدينة الاضواء (دايم في كل مدينة اول تاكسي ناخذه اذا ارتحنا له و سولفنا وياه ناخذ رقمه ونتفق معه على كل مشاويرنا بالمدينة ويجينا بالموعد و بهالطريقة يكون في مرونة في السعر .. ونصيحة اي تاكسي تركبونه سولفوا معه عن المدينة والاماكن و حياته وكل شي لاتسكتون .. بالطريقة ذي تستعطفه ولونسيت شي بالتاكسي راح يكون امين معك غالبا باذن الله
ايه كنت اقول رحنا المطار بالخطوطالماليزية الى لنكاوي 250 التذكرة للشخص
وصلنا وفيه كشك رئيسي تقوله فندقك ويحدد لك السعر وياخذك تاكسي يوديك والسعر معقول
لنكاوي طبعا يومين خذناها وانا اشوف تستاهل يومين الى ثلاث ايام.. مو اكثر من كذا
اهم شي في لنكاوي تاخذ فندق عالبحر يكون بطريقة الاكواخ او الشاليهات يعني على طول تحتك البحر مافي شاطئ و تراب
سكنا في شيراتون لنكاوي بيتش .. وكان فخم و رائع و ساحر و حبيت لنكاوي بسببه لان اطلالته جميلة و التمشي في اروقته >> و ركز لي على أروقته ازا بتريد
.. ايه و رائع وفطوره ممتاز و مسبحه رهيب و طريقة الغرفة عجيبه و رومانسية
انصح صراحة بالسكن فيه
اتفقنا مع تاكسي تبع الفندق مسلم اسمه موسى و كانت جميع وياه وكنا نسولف دايم ونسأله عن كل شي بالبلد و كل مشاويرنا معه و يراعينا بالسعر و دايم نتأخر عليه ولا يزعل
اول يوم كان فيه وقت لان النهار طويل الى 7 ونص فقلنا بناخذ جولة و نروح بعض الاماكن.. الساعة ب 25 رنجت وهذا طبعا في بينانغ ولنكاوي وكاميرون .. رحنا التلفريك والشلالات وسبحنا فيها و كنا نبي نحجز الفيري لبينانغ الا ان شخص يعمل بالفندق قال مايصلح لازم الحجز قبل الرحلة بيوم .. اما يومين ماينفع
وكان كلامه غلط
اليوم الثاني رحنا نحجز الفيري وكان فيه رحلتين 2 الظهر و 5 العصر .. و قالوا لنا ان الرحلة اللي الساعة 2 فل من امس والمفروض تجون قبل يومين فاضطرينا ناخذ ابو الساعة 5عشان يصادفنا الغروب وناخذ كم صورة وكذا .. امحق
ثم رحنا المانقروف طبعا مايحتاج تحجز قبل بيوم .. تروح مكانهم و تشوف البكجات وتختار وتركب الطراد على طول
اخترنا البكج اللي تروح كهف الخفافيش و اطعام الاسماك و مشاهدة النسور و الذهاب عند مدري وش ثم تتغدا .. كان ب 350 البكج اذكركلنا .. طبعا الغدا من فلوسك تختار من السمك والربيان ويطبخون لك .. السمك خذوا مقلي و مشوي ممتاز ولا انصح بالربيان في وهذا و في كل شي ماعدا المطاعم العربية مثل مطعم الطربوش ربيانه المقلي ممتاز
البكجات اللي اغلى من كذا يضيف مكان واحد و يزيد السعر 100 رنجت وهو مكان هطق ولايستاهل
طبعا الالعاب الرياضية في لنكاوي غالية بالتالي اللعب في بينانغ احس
الى بينانغ 3 أيام
اليوم اللي بعده جلسنا بالفندق الجميل ومسبحه الرائع واطلالاته و شاطئه و جلسنا ناخذ صور لما قرب وقت رحلة الفيري الى بينانغ .. ثم رحنا هناك وفيه حول محطة الفيري مجمع صغير وفيه محل بولو اسعاره زينه وحوله بعد تمثال الصقر مدري النسر و بحيرة و اشيا حلوة للتصوير
و اللي مراح يجيب كاميرا احترافيه بيتحسف قد شعر راسه .. جب كاميرة خويك اخوك ابعص اي شي
الفيري تجربة جميلة
وصلنا بينانغ والتكاسي تنتظرنا ورحنا فندقنا فلامنقو ، الفندق تغير قليلا للافضل بالديكور .. و عيوبه ثلاثة وهي 1المسبح صحيح كبير كمساحة لكن مافي عمق انا طولي متوسط يوصل لصدري
، 2 النت فالغرفة معدوم لازم تطلع وتجلس بالممر كل اشوي
3 الفطوور ابوو دوق سيء
اما الموقع مو مشكلة لان فيه باصات حمرا في بينانغ اسمها
repaid
تاخذك و توديك من و الى اهم واغلب الاماكن في بينانغ ب 1 رنجت ونص للنفر ، مثلا باتو فرنجي والمحطة اللي يمها ماك وفندق فلامنقو و مجمع قورني وغيرها ، في اي مكان اسأل عن اقرب محطة سيتوقف فيها الباص لاخذ الركاب وهي عبارة عن دكة كراسي تكون على رصيف الشارع في الجهتين للرايح والجاي
اول يوم ميت لان وصلنا الليل ومتأخرين .. جلسة عالنت ثم عشا و نفرفر شوي ..
اليوم الثاني جولة طبعا الساعة 25 رنجت , اغلب التكاسي معهم ورقة فيها الاماكن السياحية وانت تختار منها .. تروح هضبة بينانغ والشلالات ومحلات القهوة والشوكولاته وحديقة الفواكه (طبعا شغل معبد بوذا ومعبد الثعابين و حديقة الفراشات هالاشيا ماتمشي عندي )
ومن هالجولة تحجز لرحلة كاميرون ، مافيه غيرشركتين باصات يم بعض هم قل للتكسي انك تبي تحجز للكاميرون وهو يوديك
و اليوم الثالث خذنا الرحلة اللياسمها رحلة صيد ب 350 رنجت لاربعة اشخاص شاملة الغدا الباربكيو .. ياخذك في نص البحر و يعطيك خيوط صيد وتجلس ربع ساعة طبعا مراح تطلعون شي الا سمكة طول صبعك يمكن .. ثم يوديك شاطئ مدري شسمه و يسوون الباربكيو حقكم والصراحة عادي وتجلسون ساعتين تتمشون عالشاطئ فيه مرجيحة معلقة عالشجرة و فيه حبل زي حق طرزان تتسلى وتتعلق فيه و فيه ذاك السرير من الخيوط المعلق عالشجرة .. يعني الرحلة سيئة من ناحية الغدا لكن حلوة للصور والتمشي و رخيصة ، حقة لنكاوي اصرف الززبدة
و ماوقفنا بعد رحلة الصيد .. على طول للالعاب الرياضية اللي زاد سعرها عن قبل لكن كاسرناهم ورجعنا السعر القديم
براشوت 45 رنجت
دباب ربع ساعة ب 50
و هيك كلام
طبعا الليل في ماليزيا بشكل عام نقضيه عالنت بالغرفة و الطلعة للعشا والمجمعات والسوق الصيني وشارع العرب والتمشي(ماترك شي) اقصد الاماكن السياحية وكذا مافيش الديرة تسكن و تنام ، والافضل تنامون مبكر
مطاعم بينانغ الزينة اللي جربناها :المطعم الهندي اللي مقابل فلامنقو ، الهارد روك بعد البارك رويال مسافة عشر دقايق مشي ، مطعم لبنان ، ناندوز في مجمع قورني وباقي المطاعم العالمية
بالنسبة للسوق الصيني سمعوني زين
اللي في بينانغ احسن من كوالا .. ارخص و تنزيل الاسعار اسهل ، حقين كوالا جلفين و عصبيين ما ينزل السعر لان زباينهم واجد بعكس بينانغ مايخلونك لين ينزلون السعر للقاع
مثلا افضل النظارات خذتها من بينانغ على 13 رنجت
الساعات كنت اخذ الوحدة ب 20 رنجت
اما الوضع في كوالا معقد و صعب ،بالنسبة للجزم (الجواتي) (الكنادر)(الشوز) سواء للبدل او الثوب لاتشترون من السوق الصيني.. التايم سكويرر والاوتلت اللي بالدور الارضي في مجمع الفهرنهايت يغنون عنهم و اسعارهم رخيصةجداا بدون ماتكاسر
نهاية الكلام استغل كل سلعة تعجبك في السوق الصيني في بينانغ وخذها .. وروح كوالا شوف لو نقصك شي و لاشي وعجبك سعرهخذه
منقول بتصرف
إترك رد
يجب أنت تكون مسجل الدخول لتضيف تعليقاً.
